Ang balak ko sana ay libangin lang at panatilihin dito sa tabi ko si Larwin Ross hanggang sa bumalik sina Ma’am Lady dito galing sa villa nila. Pero mukhang mahihirapan pa yata akong gawin ang plano ko dahil ilang na ilang ako sa ginagawang paninitig ni Larwin sa akin!
Hindi man lang siya nahihiya at talagang pinapakita pa sa akin ang ginagawa niyang paninitig! Inis na inis ako dahil kakaiba ang hatid ng titig niya sa akin. Para akong natutunaw na hindi ko mawari! Hindi tuloy ako mapakali kaya nagsisimula na namang uminit ang ulo ko sa kanya!
Kumakain lang siya kanina pero habang kumakain ay tumitingin pa sa akin at binabagalan pa ang pag nguya kaya pakiramdam ko ay may gusto siyang ipahiwatig dahil sa ginagawa niya!
Nang natapos siyang kumain ay hindi na talaga siya tumigil sa kakatiti
