Pagkatapos ng basketball game kung saan nanalo kami ni Kuya Mark ay akala ko matatapos na rin ang engkwentro sa pagitan namin ni Larwin Ross dahil sa napag-usapan namin habang naglalaro.
“Kapag natalo kayo sa laro na ‘to ay isisigaw mo dito sa court na tomboy ka.”
Kumunot ang noo ko habang nakikipag titigan kay Larwin Ross. Medyo sumasakit na ang katawan ko dahil kanina pa kami nag-aagawan ng todo sa bola. Pagod na rin ako at ramdam ko na ang panginginig ng mga tuhod ko. Ilang minuto na lang ang natitira sa huling quarter at kayang-kaya ko pang tiisin ang pagod. Alam kong pagod na rin siya sa kakahabol sa akin kaya hindi na siya makakatakbo pa ng mabilis at makakatalon ng mataas.
Pinunasan ko ang pawis sa noo ko gamit ang likod ng palad. Kanina pa pinagpipilitan ng gagong Larwin na ‘to
