Pagkatapos ng nangyari sa cafeteria ay pansin na pansin ko ang pagbabago ng pakikitungo ni Maple sa akin. Napapatingin na sina Thea at Janine dahil kanina niya pa ako paulit-ulit na inuutusan kahit na hindi naman iyon sakop ng trabaho ko.
“Are you done?”
Nag-angat ako ng tingin kay Maple Reynolds nang lumapit na naman siya sa table ko para tanungin kung tapos na ako sa pinapagawa niyang trabaho. Agad na umiling ako dahil hindi ko pa nga nasisimulan iyon dahil gumawa pa ako ng panibagong format sa excel. Wala pang sampung minuto simula noong binigay niya sa akin ang trabaho pero kung makapag tanong siya ay akala mo nag-utos lang siya na magpa photocopy ako.
“Sinisimulan ko pa lang–”
“What? Kanina ko pa binigay sayo ‘yan ‘di ba? Are you telling me that you are just about to start? Oh, my
