Kalahating oras bago mag-lunch break ay natapos ang meeting ng department namin kasama si Larwin. Ramdam na ramdam ko kanina ang tensyon ng bawat isa sa buong oras ng meeting. Parang noong natapos lang ay saka sila nakahinga ng maluwag kaya agad na nag ingay at nagsaya nang sa wakas ay umalis na si Larwin.
Tinawag at pinasunod ni Larwin sa kanya si Darwin kaya naiwan ako na pinag-aaralan ang mga sinulat niya kanina habang nakikinig sa mga nag report.
“Grabe! Kabang-kaba ako kanina, Maureen! Parang naubos ang braincells ko dahil sa mga tanong ni Boss Larwin!”
Hinintay lang ni Thea na lumabas ang head namin kasama si Maple bago siya lumapit dito sa table ko at nakipag kwentuhan tungkol sa nangyari kanina sa meeting.
Sa totoo lang ay natulala ako kanina nang magtanong si Larwin sa mga emp
