Hindi ko alam kung sino ang naglakas loob na nagsumbong kina Ma’am Lady at Mrs. Ross sa nangyari sa pagitan namin ni Maple Reynolds. Pagdating ko sa apartment ay magkasunod pa silang tumawag sa akin at nagtatanong kung ayos lang ako. Sinabi ko kay Mrs. Ross na ‘wag siyang mag-alala dahil ayos lang ako. Nagsabi pa siya na sasabihin niya kay Larwin ang nangyari pero sinabi kong ‘wag na siyang mag-abala dahil wala naman akong balak na palakihin ang gulo. Kayang-kaya kong ipagtanggol ang sarili ko at wala akong pakialam kung gamitin ni Maple Reynolds ang impluwensya ng pamilya niya para alisin ako sa trabaho. Pero duda ako na gagawin niya ang bagay na ‘yon dahil sa itsura niya pa lang kanina ay mukhang hindi siya titigil hanggang hindi siya nakakabawi sa mga sinabi ko.
Mariing napapikit ako a
