“Okay ka lang, Mau?”
Kanina pa nakaalis sina Tatay ay hindi ko pa rin alam kung ano ang unang iisipin ko. Bumuntonghininga ako at saka tumango kay Kuya Mark.
“Babalik na ako sa apartment, Kuya Mark. May pasok pa kasi ako mamaya. Pasensya na sa biglaang pagpunta nila Tatay dito,” sagot ko. Bago ako bumalik sa apartment ay nag-usisa pa siya tungkol sa mga sinabi ni Tita Lucia kaya hindi na ako nagdalawang isip na sabihin sa kanya.
“Pag-aasawa ang gustong solusyon ng stepmother mo para lang hindi na kayo mamroblema sa renta ng pwesto n’yo sa palengke?”
Kitang-kita ko ang pagtanggi sa mukha ni Kuya Mark nang sabihin kong pinag-iisipan kong umuwi at kausapin ang may-ari ng pwesto. Wala naman akong balak na magpakasal. Kayang-kaya ko naman na bilugin ang ulo niya para lang ‘wag niyang i-pres
