Kanina pa ako pabiling biling sa higaan at mukhang magdamag yata akong hindi makakatulog sa kakaisip kung paano kong iiwasan si Larwin kung sakaling magkita kami sa Young Bucks Society Building!
“Bakit ba pumayag na lang ako agad-agad sa offer ni Boss Jared? Hindi ko man lang naalala ang posibilidad na magkita kami ni Larwin Ross lalo na at nasa iisang building sila at kapatid pa siya ni Ma’am Lady!”
Simula bukas ay doon na ako papasok kay Ma’am Lady. Ang sabi ni Kuya Mark ay si Boss Jared na raw ang bahalang magsabi sa kaibigan niya sa LEF na hindi na ako magtatrabaho doon. Pero hindi ko talaga maisip kung bakit pa ako kinuha ni Boss Jared na maging assistant ni Ma’am Lady gayong alam naman niya na hindi maganda ang naging pagtatrabaho ko kay Larwin Ross!
“Bahala na nga!” Inis na bulal
