Pagkatapos kong huminga ng malalim ay tuloy-tuloy na naglakad ako palapit sa kama ni Larwin.
“Hoy, Larwin Ross!” mariing tawag ko nang nasa gilid na ng kama niya. Ganito ko siya gisingin sa umaga. Ang pagkakaiba nga lang ngayon ay hindi ko na kailangan na magpanggap pa na lalaki kaya totoong boses ko na ang gamit ko sa pang gigising sa kanya.
Kagaya ng inaasahan ko ay hindi talaga siya agad magigising sa isang tawag lang kaya mas lumapit pa ako sa kama at sinimulan nang yugyugin ang balikat niya. Wala siyang suot na pang itaas at siguradong nakasuot lang siya ng boxers sa ilalim ng makapal na comforter!
“Hoy! Larwin Ross!” muling tawag ko habang inuuga ang balikat niya. Gumalaw at umungol siya pero hindi pa rin gumising at tinakpan pa talaga ang tenga na parang ayaw talagang magpa istor
