“Tungkol pala sa nagtatangka sa buhay ni Boss Larwin, Mau…”
Papasok na kami ni Kuya Mark sa lobby ng Young Bucks Society Building nang magsalita siya. Medyo maaga pa para sa simula ng basketball game pero si Kuya Mark ay sobrang aga akong sinundo sa apartment kaya napilitan akong maghanda ng maaga.
“Anong tungkol doon?” Kunot ang noong tanong ko. Sa totoo lang ay may mga pagkakataon pa rin na naiisip ko ang tungkol sa kaaway ni Larwin at sa mga pagtatangka sa buhay niya.
“Nakakuha na sila ng lead at sinisimulan na ang imbestigasyon,” sagot niya. Tumango lang ako at hindi na nag-usisa pa tungkol doon. Kahit naman inis na inis ako sa kayabangan ng Larwin Ross na ‘yon ay ayaw ko pa rin na mapahamak siya. Kawawa naman si Ma’am Lady at ang Mommy niya kung mangyayari ‘yon. Mukhang mahal na ma
