Wala akong ginawa kundi ang paulit-ulit na tingnan ang oras dahil feeling ko ay sobrang tagal ko na dito sa unit ni Larwin Ross. Baka kung ano na ang iniisip nina Ma’am Lady o ang mas malala ay baka nai-stress na siya sa kakahintay na magsimula ang game. Mukha pa namang excited na excited siya para sa araw na ito. Sa darating na weekend ay ipapakilala na siya ni Boss Jared sa pamilya nito kaya napapansin ko na mukhang kabado kaya kung anu-ano ang gustong gawin para makalimutan ang kaba at malibang.
Ilang sandali pa akong naghintay dito sa couch pero naubos na ang sampung minuto ay hindi pa rin lumalabas si Larwin sa kwarto niya. Huminga ako ng malalim at pilit na kinalma ang sarili. Ayaw ko na sanang maulit pa ang ginawa ko kanina na basta na lang paghuhubad sa kanya. Bigla akong nakaramd
