Simula noong sinabi sa akin ni Ma’am Lady ang tungkol sa problema niya sa babaeng stalker ni Boss Jared na si Maple Reynolds ay halos araw-araw na namin siyang napag-uusapan. Mainit na mainit ang dugo ni Ma’am Lady sa kanya kaya kahit na hindi ko naman kilala ang babaeng ‘yon ay parang naiirita na rin ako sa kanya. Araw-araw pang pinapakita ni Ma’am Lady sa akin ang mga post niya sa social media kaya araw-araw ko ring pina pakiramdaman ang mga kilos ni Larwin.
Wala namang kakaiba sa mga kilos niya. Kung sinasabi ni Ma’am Lady na nababaliw siya sa Maple na ‘yon ay kakaiba naman ang nakikita at napapansin ko. Sa itsura niya at sa mga ginagawa niya ay mukha naman siyang walang pinagkakaabalahan na babae! Katunayan nga ay sobrang dami niyang oras para inisin at sirain ang araw ko!
Hindi tala
