Napatigil ako sa ginagawang pag slice ng hilaw na mangga nang pumasok si Larwin dito sa kusina at naglapag ng kung ano sa ibabaw ng table. Gustong-gusto ni Ma’am Lady ng maasim na mangga kaya naghanap pa kami sa kung saan para lang makahanap ng pinaka maasim na mangga.
Nagsalubong kaagad ang mga kilay ko pagkakita pa lang kay Larwin. Hinahanda ko na ang sarili ko sa kung anong pang aasar na naman ang gagawin niya. Sa totoo lang ay gustong-gusto ko nang matapos ang buwan na ito para tumigil na siya sa kakaisip na nabuntis niya ako! Sigurado naman akong hindi ako buntis dahil wala naman akong kakaibang nararamdaman sa katawan ko. Madalas lang na uminit ang ulo ko sa kanya dahil walang araw na lumilipas na hindi niya pinapaalala ang nangyari sa amin!
Isang linggo na lang, Mau. Isang linggo
