Habang papalapit ang kasal nina Ma’am Lady at Boss Jared ay mas nagiging moody siya. Hindi naman siya moody kapag ako ang kasama niya kaya pakiramdam ko ay pinaglilihian talaga niya ang kahit na sino kina Boss Jared at Larwin!
Palagi rin siyang naiinis ngayon kapag nakatingin sa cellphone niya kaya minsan ay kapag nakikita kong tutok na tutok na siya sa phone niya ay niyayaya ko na lang na manood na lang kami ng movies kesa maglibang siya gamit ang social media. Hindi ko alam kung ano ang dahilan ng kinaiinisan ni Ma’am Lady nitong mga nakaraan. Ayaw ko namang magtanong sa kanya ng mga personal na bagay lalo na at buntis siya at masyadong sensitive. Kung sasabihin niya sa akin ang dahilan kung bakit siya nai-stress sa social media ay handa naman akong tulungan siya. Pero dahil wala naman
