Dire-diretso ang pasok ni Larwin sa loob ng kwarto kaya huminga ako ng malalim at sinundan siya. Mukhang hindi naman siya galit na galit dahil hindi niya ako pinagsaraduhan ng pinto.
Tuloy-tuloy ang lakad niya at kumilos para lakasan ang aircon sa kwarto. Pabalibag na binalik niya ang remote sa kama at saka sumulyap pa sa akin bago mabilis na naghubad ng suot na t-shirt.
Hindi ko inalis ang tingin sa kanya. Sanay na ako na makita siyang ganito dahil hindi talaga siya sanay na matulog na hindi nakahubad ng pang-itaas. Wala na siyang pang-itaas nang muling lingunin ako. Nagsalubong agad ang mga kilay niya at saka hinagis ang t-shirt sa kama.
“What are you doing here? Don’t tell me you want to sleep with me? Let me remind you… Wala tayo sa apartment mo o kaya ay sa unit ko,” seryosong pasa
