Nagtatakang sinundan ko ng tingin si Larwin habang paakyat siya sa itaas para daw makipaglaro kay Louise. Kagabi lang ay okay pa kami pagkatapos ng nangyari sa amin sa elevator at sa penthouse. Sinabi ko lang naman sa kanya na ‘wag na siyang pumunta sa apartment ko dahil may lakad ako kinabukasan. Ngayon ay hindi na naman namamansin!
Ilang sandali ko pa siyang pinanood sa pag-akyat sa itaas bago nagpasya na silipin ang phone ko para tingnan kung may kahit na anong message ba siya sa akin. Nang wala akong nakitang kahit anong message galing sa kanya ay kunot ang noong binalik ko ang tingin sa kanya at muling nagtama pa ang paningin namin nang nasa tapat na siya ng playroom ni Louise.
Ilang sandali pa kaming nagkatitigan bago siya umingos at nagpatuloy sa pagpasok sa loob ng playroom. Muli
