Pagmulat ko ng mga mata kinabukasan ay agad na napangisi ako nang muling naalala ang nakakaaliw na pag-uusap namin ni Larwin kagabi. Inabot pa yata ako ng isang oras kagabi bago tuluyang nakatulog. Natatawa ako na nahihiya sa pinaggagawa at pinagsasabi ko sa harapan niya pero kapag naiisip ko na magandang simula ‘yon para sa gagawin kong pang aakit sa kanya ay kahit papaano ay nababawasan ang kahihiyan na nararamdaman ko.
Kamusta kaya siya? Nakatulog kaya siya ng mahimbing kagabi?
Kapag sinusubukan ko pa lang na balikan ang mga sinabi ko sa kanya ay napapasapo na ako sa noo at natatawa. Bumangon ako at dahan-dahang binuksan ang pinto. Masyado pang maaga. Siguradong tulog pa si Larwin sa mga oras na ito. Kagat ang ibabang labi na lumabas ako sa kwarto at nagpasyang silipin siya sa katapat
