Alam kong hindi lang ako ang nakaramdam sa iritasyon ni Larwin sa buong meeting ng department namin kasama siya. Ramdam na ramdam ko ang tensyon habang nagtatanong siya sa mga ka-department ko. Nagtatanong rin siya sa akin pero dahil bago lang ako at wala pang alam sa mga projects na pinag-uusapan ay si Darwin ang sumasalo sa mga tanong niya. Mas lalo lang tuloy na nairita si Larwin. Kahit si Maple Reynolds ay hindi nakaligtas sa iritasyon niya. Pero hindi ko maintindihan kung bakit mukhang sa akin pa rin galit si Maple sa pagkapahiya niya sa buong meeting.
“Hindi ko na kasalanan na napunta ka sa posisyon mo na wala kang kaalam-alam sa flow ng trabaho.”
Hindi ko mapigilan ang diretsahang sabihin sa kanya ang kung anong naobserbahan ko sa buong meeting nang lapitan niya ulit ako at sisihi
