Hindi ko mapigil ang kumakawalang ngisi sa mga labi ko habang naririnig ang pag-aalburoto ni Maple habang hinihila ako palabas sa opisina ni Larwin. Ramdam na ramdam ko ang pagkayamot niya sa akin dahil sa ginawa kong pagsusumbong kay Larwin.
“You are getting on my nerves! Kapag hindi ka pa tumigil ay makikita mo ang hinahanap mo!” Gigil na gigil na bulalas niya at padarag na binitawan ang braso ko. Sa halip na masindak ay ngumisi lang ako ng nakakaloko at mas lalo pa siyang inasar.
“Kapag hindi ka pa rin tumigil sa pagpapagawa sa akin ng hindi ko naman trabaho ay makikita mo rin ang hinahanap mo,” panggagaya ko pa sa kanya.
Gigil na naglapat ang mga labi niya at kulang na lang ay magpapadyak sa sahig dahil sa sobrang inis sa akin. Napangisi ulit ako. Pikon na pikon na siya sa akin pero
