Sa halip na sa unit ni Boss Jared ako dumiretso ay sa unit ni Larwin ako pumunta para doon na magluto sa unit niya. May sarili naman siyang unit kaya bakit naman kailangan pang sa unit ni Boss Jared magluto? Masyadong hassle!
Ilang beses na pinindot ko ang doorbell bago tuluyang binuksan ni Larwin ang pinto. Parang tamad na tamad siya at mukhang walang energy nang pagbuksan ako ng pinto. Pero nang makita niya ako ay umayos siya ng tayo at mukhang nagulat pa!
“Ma-Marco?!” Bulalas niya habang nakatingin sa akin. Napangiwi ako sa pangalan na tinawag niya sa akin.
“Mau hindi Marco!” mariing pagtatama ko. Tumikhim siya at saka ilang beses pang inayos at hinawi pataas ang buhok bago maangas na humarap sa akin at humalukipkip. Sa itsura niya ay mukhang gusto niyang ma-intimidate ako sa kanya p
