Pinilit kong ‘wag pansinin ang mga patutsada ni Larwin Ross lalo na at pinagpipilitan talaga niya na may crush ako sa kanya. Sa halip na pagtuunan siya ng pansin at tumaas ang presyon ko ay nag-focus na lang ako sa pagluluto ng gusto niyang kainin na chicken curry. Hindi ko na masyadong dinamihan ng patatas dahil siguradong masasayang lang ang mga gulay na ihahalo ko!
“Just when the hell did you start having feelings for me? In fairness you hide it so well I didn’t even notice that you are already fantasizing about me. Siguro kapag natutulog ako ay gusto mo na lang akong daganan at–”
“Oo. Gusto kitang daganan at lagyan ng unan sa mukha hanggang sa hindi ka na makahinga!” Hindi na nakapagpigil na dugtong ko sa kung anong kalokohan ang sinasabi niya! Kanina pa siya ganyan at kanina pa rin
