Isang umaga na pumasok ako sa opisina ay pansin na pansin ko agad na nagkakagulo ang mga tao sa department namin. Pati ang mga regular employees na hindi ko naman nakikita na natataranta sa mga trabaho nila ay nakikita ko na parang nagpapanic ngayon.
Ang pinakamatandang clerk na siyang nakaupo sa pinakamalapit sa pinto ay naabutan kong hindi magkandaugaga sa kung anong hinahanap sa steel cabinet sa gilid niya.
“Good morning po,” magalang na bati ko at nagtanong kung ano ang pwede kong itulong sa kanya. “Kailangan n’yo po ng tulong?”
Agad naman siyang napatingin sa akin at saka hindi magkandatutong tumango at hinawakan ang braso ko.
“Wala ka pa namang ginagawa ‘di ba, Hija?” tanong niya at saka muling tumingin sa cabinet. “Pwede bang tulungan mo akong hanapin ang mga files ng properties
