Habang hinihintay kong matapos sa paghahanda sa pagpasok sa trabaho si Larwin ay hindi ko maiwasang isipin ang tungkol kay DarkWin.
Paano kung si DarkWin at ang empleyado na nabanggit ni Larwin kanina ay iisa? Ibig sabihin ay posible na makilala at makita ko na si DarkWin dahil palagi na akong kasama ni Larwin sa pagpasok sa Rosswin Realty!
Hindi ko alam kung bakit bigla akong naging kabado. Hindi naman niya ako kilala at hindi niya rin alam ang itsura ko kaya kahit na magkasalubong at magkausap pa kami ay hindi niya malalaman na ako si Moe_Moe!
“Tama… Hindi niya ako kilala kaya dapat ay ‘wag akong kabahan sa Darwin na ‘yon. Hindi niya alam na ako ang madalas niyang i-invite sa private chat room kaya wala akong dapat na ipag-alala!”
Natapos na sa pagbibihis si Larwin kaya binilisan ko
