Sa labas pa lang ng Rosswin Realty ay marami nang bumabati at sumasalubong kay Larwin Ross. Ang iba ay namukhaan ko dahil mga bodyguards niya rin ang karamihan pero ang iba ay hindi pamilyar sa akin kaya hindi ko naiwasang magtanong sa kanya habang naghihintay kami sa pagbukas ng elevator papunta sa opisina niya.
Ngayon lang ako nakapunta dito at masasabi ko na totoo ang sinabi ni Alisa na isa sa pinakamalaking kumpanya dito sa Maynila ang Rosswin Realty. Sobrang taas ng building at siguradong sobrang dami ring empleyado ang nagtatrabaho dito.
“Sino ‘yung mga naka kulay puti ng damit na sumalubong sa’yo kanina? Mga bodyguards mo rin ba ang mga ‘yon?”
Nilingon niya ako at saka sa halip na sagutin ay tinaasan pa ako ng kilay. “Why would I answer that? Are you spying on me, Marco?”
Kulang
