Kahit na puyat na puyat ako ay maaga pa rin akong nagising kinabukasan. At kahit na nakalipat naman ako agad sa bakanteng kwarto dito sa unit ni Larwin Ross ay hindi pa rin nawawala ang gigil ko sa kanya. Kapag naiisip ko ang mga ginawa niya sa akin kagabi ay parang gusto ko siyang sugurin sa kwarto at tabunan ng unan sa mukha!
Pinili ko na lang na palampasin ang mga ginawa niya kahit na pabalik balik sa isip ko ang ginawa niyang paghalik ng paulit-ulit sa pisngi ko. Parang kahit yata maligo ako ay hindi ko makakalimutan ang pakiramdam kung paanong lumapat ang mga labi niya sa pisngi ko!
“Bwisit! Subukan niya lang talagang uminom at maglasing ulit ay sasakalin ko na siya!”
Mabilis ang ginawa kong pagbangon nang makitang pasado alas sais na ng umaga. Naligo ako ng mabilis at inisip kung
