Sa pangalawang araw ko sa pagpunta sa Rosswin Realty kasama si Larwin ay madalas din sa opisina niya si Darwin. Pansin na pansin ko talaga ang kakaibang tingin niya sa akin kaya kapag nasa opisina siya ni Larwin ay ako na ang kusang dumidistansya sa kanya. Masyadong misteryoso ang mga mata niya at siya iyong tipo ng tao na hindi mo basta-basta malalaman kung ano ang iniisip.
In short, delikado siya.
“How old are you, Marco?”
Naglalakad na ako pabalik sa opisina ni Larwin nang magsalita sa likuran ko si Darwin. Inutusan ako ni Larwin na bumili na lang ng kape namin kaya bumaba ako saglit. Hindi ko inaasahan na makikita ko si Darwin dito.
Inilang hakbang niya lang ang distansya naming dalawa kaya saglit na nilingon ko siya.
“Ahh… Bente anyos,” pormal na sagot ko. Kitang-kita ko ang hin
