Naglakad si Carli palayo rito at umupo sa silya sa harap ng mesa upang hindi nito makita ang mukha niya. “Ayoko ring istorbuhin ka dahil alam kong nag-aaral ka. So I always made you coffee back then. Iyon lang kasi ang naiisip kong paraan para makatulong sa `yo,” patuloy niya.
“I didn’t know that.”
Muli ay nagkibit-balikat si Carli at sumimsim ng alak. “That was a long time ago.”
Mahabang katahimikan ang namagitan sa kanila. Mayamaya ay narinig niyang bumuntong-hininga si Cade. “You’re right.”
Naramdaman niya ang paglapit nito sa mesa. Napatingin siya rito nang umupo ito sa katapat niyang silya. Inilapag nito sa mesa ang baso nito at sinuklay ng mga daliri ang buhok. Mukha na naman itong hapo. “Kailangan kong bumalik sa Maynila bukas. Nagradyo na ako ng helicopter para sunduin ako. Sum
