Kanina pa palingon-lingon sa paligid si Doti. Hanggang ngayon ay wala pa rin si Trinity. Nasa sementeryo na silang lahat at kasalukuyan nang ibinaba ang kabaong ni Jem sa malalim na hukay. Sari-saring iyak ang umalingaw doon. Napatingin siya sa kakambal nito na si Jam. Tahimik itong umiiyak pero ramdam ni Doti na sobra itong nalulungkot ngayong wala na ang kakambal niyang si Jem.
Nagulat si Doti nang biglang tumabi sa kanya si Tiffany. Hinihingal ito na para bang ngayon lang dumating. "Wala. Mukhang hindi na pupunta rito iyon at nadaanan kasi namin kanina si Carson sa isang waiting shed," sagot niya.
"Ganoon ba? Anyway, may natuklasan kasi ako. Malaking pasabog ito. Pero sa ngayon ay tatahimik na muna ako. Natatakot kasi ako. Baka bigla siyang magaling sa akin at patayin niya ako," sabi
