Kanina pa hindi mapakali si Doti at Jenny. Ilang minuto na lang ang natitira at aalis na ang bus nila. Kanina pa paulit-ulit na tinatawagan ni Doti si Trinity. Siya na lang kasi ang kulang sa bus nila. Nape-pressure na si Doti dahil maya't maya siyang binabalikan ng prof nila para makibalita kay Trinity.
"Ano? Sumagot na ba?" tanong ni Jenny na hindi na rin maipinta ang mukha.
"Hindi pa nga e. Naka-sampong tawag na ako sa phone niya, pero wala talagang sumasagot e," tugon ni Doti na lilingap-lingap sa labas. Nagbabakasali na makita niyang paparating na ito.
Mayamaya ay tumayo na si Carson. "Susunduin ko na lang siya. Kung maiwan man ako ay susunod na lang kami at dadalhin ko ang kotse ko," sabi niya at saka siya mabilis na lumabas sa bus.
Agad siyang pumara ng taxi sa labas.
"Perno
