Nasa kama kami ni Jacob ngayon. Katatapos lang naming manuod ng pelikula. Tinignan ko ang orasan. Alas dos na ng madaling araw.
“Babe, ang galing mo kanina,” bulong niya habang pinaglalaruan niya ang buhok ko.
“Dedicated ko sa’yo ‘yun,” bulong ko rin sa kanya. Bahagya siyang lumayo sa akin nang marinig ang sinabi ko.
“Ayoko!” napakalakas niyang pagtanggi. Napatitig ako sa kanya dahil sa naging reaksiyon niya.
“Don’t get me wrong. I like the song and you singing it pero ayokong ide-dedicate mo 'yun sa akin. I hate goodbyes.” Kinagat ko ang labi ko nang marinig ko ang paliwanag niya. Tahimik akong napaiwas ng tingin sa kanya.
Sumasakit ang dibdib ko habang pinagmamasdan ko siya ngayon. Bilang na ang oras naming dalawa. Nilunok ko ang bara sa lalamunan ko bago ko siya muling tinignan.
“
