Napabangon ako sa sofang kinahihigaan ko rito sa condo ni Jacob. Yup. Dito na muna ako. At dito ako sa sofa natutulog. Iisa lang kasi ang kuwarto rito sa condo niya. I can’t sleep at his room. Masyadong maraming masasaya at masasakit na alaala ang kuwarto niya. Pumapasok lang ako roon para maglinis.
Mahigit dalawang linggo na ako rito. Pabalik- balik ako rito sa condo at sa ospital. But no, hindi ko pa rin magawang magpakita kay Jacob. Natatakot ako. Sobrang takot na takot. Hindi sa mga pumapatay na tingin ni TJ o sa mga pagbabanta ni Vince. Natatakot ako sa magiging reaksyon niya kapag nakita niya ako. Kaya pumapasok lang ako sa kuwarto niya kung alam kong tulog na siya. Actually, wala pang nagsasabi sa kanya na naririto na ako. ‘Di ko na tinanong kung paanong isinikreto 'yun ng mga kaib
