Wala na si Isis.
Isa na lamang siyang kumpol ng abo ngayon sa sahig dahil sa ginawa sa kanya ni Divan. Sa isang banda nakakapangilabot na mabilis siyang natapos ni Divan--- patunay lamang na pambihira na talaga ang taglay niya ngayong kapangyarihan.
Pero hindi ko na iyon masyadong inisip. Nagbunyi na lamang ako.
"Woohoo! Patay na ang terorista!"
Masaya naman akong niyakap ni Prinsesa Lenora. "Nagawa natin, Yohan!"
Agad ko namang naalala yung nakita kong pangitain kanina. "Prinsesa, yung pumatay sa ama mo... Si Isis iyon. Noong araw na yun, pinatay na pala nila ang Punong Ministro. At ginamit ni Isis ang bangkay ng ministro bilang bagong katawan niya."
Agad naluha ang prinsesa sa sinabi ko. "Pero ang sabi ni Haring Igneus, si Aravella ang...ang pumatay sa ama ko!"
Tumango ako. "Ngun
