Alexar Vander.
Kay gandang pangalan. Tunog artista. Tunog maharlika. At higit sa lahat, kegwapong pangalan. Bagay na bagay sakin.
Kaso, anak ng adidas, hindi ako natuwa nang tawagin ako ni Gurong Benhur sa pangalang iyon. Ng dahil sa nakita kong pangitain, hindi ako natuwa na tinawag akong Alexar, dahil ibig sabihin ay konektado nga talaga ako kay Alexar. At ayokong mangyari iyon, dahil ibig sabihin, konektado ako sa taong nagtraydor kay Aravella. Konektado ako sa taong nagnakaw ng puso niya.
"Ahm, Gurong Benhur, Yohan po ang pangalan niya," pagtatama ni Prinsesa Lenora sa sinabi ng matandang guro. Di ko naman maiwasang titigan ang prinsesa dahil nandito na siya, at mukhang hindi na siya nagtatampo sakin.
Ngumiti lang si Tandang Benhur. Parang may alam siya na hindi namin alam. "Malala
