Agad akong tumakbo palabas ng silid. Hindi nila pwedeng saktan si Aravella! Magkakamatayan talaga kami pag sinaktan nila maski hibla ng buhok niya!
"Yohan teka lang!" habol ni Prinsesa Lenora. "Wag kang magpadalos-dalos! Hindi mo alam kung sino yung kalaban!" Ngunit hindi ko pinakinggan si Prinsesa Lenora at tumakbo na ako papunta sa mga pasilyo. Nakita kong sinundan ako nila Divan at ng Prinsesa.
"Yohan, sasamahan ka namin!" saad ni Divan. "Inaalerto na nila Yuna at Gurong Benhur ang ibang mag-aaral. Hintayin na lang natin sila!"
Umiling lang ako. "Hindi ko kayang maghintay! Baka ano na ang nangyari kay Aravella!"
"Pero alam mo namang isang Banal na Datu ang susugod rito! Hindi mo siya kaya!"
Hinarap ko yung dalawang kaibigan ko at tinitigan ko sila. "Wala akong pakialam. Diba sabi n
