Isang Imortal na naging Banal na Datu laban sa isang dating Banal na Datu na naging guro.
Yun ang mga naisip ko nang magharap sina Gurong Benhur at Goleman. Nakasalampak lang ako sa sahig habang pinanonood sila sa tabi nila Divan at Prinsesa Lenora. Mga sugatan na kaming tatlo pero hindi gaya ng dalawa, tumitigil ang pagdurugo ng mga sugat ko at unti-unting nawawala ang kirot niyon. Eto siguro ay dahil sa aking pagiging Alkemista.
"Hindi kita mapapatawad sa ginawa mo sa aking mga mag-aaral!" sigaw ni Gurong Benhur kay Goleman.
Parang baliw na tumawa si Goleman. "Nagkita tayong muli, Benhur. Ang saya naman! Ano, nagulat ka ba nang malaman mong ako at si Goleman na mag-aaral mo ay iisa?"
"Hindi ako natutuwang makita ka," sagot ni Gurong Benhur. "Alam kong ang pakay mo ay ang medalyon ko
