Hindi ko na kayang mabuhay. Ayoko na. Kung hindi ko na rin makikita si Aravella, mabuti pang mamatay na rin ako.
Ang hirap kapag isa kang Alkemista at isang Imortal na hindi ganap, kahit gusto mo nang mamatay ay hindi iyon ganoon kadali. May dalawang paraan lang upang tuluyang mamatay ang kagaya ko--- pwedeng saksakin ako ng isang sandatang Orosman sa puso ko o gamitan ako ng isang napakatinding majika. Tulad ng isang Kontrata.
Kaya nagtungo ako sa isa sa ipinagbabawal na silid dito sa loob ng palasyo ng Azoedia upang gumawa ng isang Kontratang magbibigay sa akin ng kamatayang hinihiling ko.
***
Agad akong tumilapon mula sa sisidlan ng mga Banal na Aklat. Kukunin ko sana ang aklat na kung tawagin ay Alkemiora ngunit napigilan ako ng bantay nito--- isang matandang tagapagsilbi ng aming
