Kakaiba ang halik sa pagitan namin ni Aravella. Hindi ko na alam kung ano ang nangyayari, pero may kakaibang dulot 'yung halik. May umusbong na mga pangitain sa isip ko tulad noong kinuha ni Aravella ang puso ko doon sa Inggria at nang makaharap ko si Golem, 'yung isa sa mga Imortal.
Hindi ko maintindihan kung bakit nangyayari ito sa akin. Hindi ko nga alam kung ako ba 'yung nasa pangitain o hindi. Basta ang alam ko, mukha itong isang piraso ng ala-ala.
***
Una ko siyang nakita na nakamasid sa akin. Nasa likod siya ng isang malaking halaman na parang nagtatago pa siya ngunit sumisilip naman sa'kin. Siguro parehas kami ng edad. Marahil ay nasa siyam na taong gulang din siya tulad ko.
Naglalaro ako gamit ang espadang nilikha ko mula sa ginto. Pumutol ako ng kahoy gamit ang espadang gint
