Nagulat ako sa sinabi ni Tanda. Ibig sabihin si Aravella ang pumatay sa hari? Siya kasi ang may hawak sa espada ko!
"Hindi pwede..." bulalas bigla ni Prinsesa Lenora na nasa tabi ko. "Hindi pa patay ang aking amang hari!" Hinarap niya ako at bigla akong naawa sa kanya dahil lumuluha na siya. "Yohan, sabihin mo! Hindi pa patay ang aking amang hari!" Tuluyan nang umiyak si Prinsesa Lenora at napayakap siya sakin.
Naging magulo ang buong palasyo. Walang pinalabas o pinapasok na tao sa bulwagan at nagsidatingan ang isang batalyon ng mga kawal. Nagsisigaw naman ang ilang panauhin sa takot. Pero ako, iba ang inaalala ko. Si Aravella.
Siya ba ang may kagagawan nang pagpatay sa hari? At bakit niya naman gagawin yun kung sakali?
Pinayapa ko na lamang ang loob ni Prinsesa Lenora na walang humpa
