Napanganga na lang ako sa gulat nang magsimulang magbagsakan yung mga malalaking bolang apoy kina Haring Imran. Umilag silang lahat at muntik pa akong matawa dahil nagkumahog pa sila upang makaiwas doon.
Yumanig sa paligid at kumalat yung apoy kaya napaatras din kaming lahat.
"Kenji! Athena! Tulungan niyo ang Walang Direksyon na ilikas ang ibang mga mag-aaral! Papunta sila ngayon sa bayan! Susunod ako roon!"
Tumango naman ang magkasintahan sa utos ni Gurong Benhur at tumakbo paalis. Samantalang kinausap naman ako agad ni Divan.
"Yohan, ayokong sumama kay Ate! Ayokong umuwi sa bahay! Tumakas na tayo ngayon!" pakiusap ni Divan na natataranta.
Umiling naman si Yuna. "Hindi ka na makakatakas sa Ate mo, Divan. Kilala mo naman siya..."
Hindi ko sila maintindihan pero halatang natatakot si
