Mabilis ang lipad ng sasakyang bangkang papel ng Kuya ni Divan at kinailangan pa naming kumapit nang mahigpit sa sasakyan upang hindi kami mahulog. Nasa may bandang likuran kami nakaupo--- ako, si Divan, si Prinsesa Lenora, at si Yuna. Lahat kami mukhang hapong-hapo na at doon ko biglang naramdaman ang matinding pagod at sakit ng katawan mula sa labanan.
"Ayos lang kayo diyan?" tanong ni Caleo Pyrei sa amin. Nakaka-ilang talagang pagmasdan yung mga kilay niyang medyo umuusok at parang gusto kong sabuyan ng tubig yung mukha niya.
"Ayos lang po," sagot naman ni Yuna na mukhang malapit sa Kuya ni Divan.
"Nasa harapan lang ako kung may kailangan kayo," sabi pa niya at nagtungo na siya doon sa harap ng bankang papel. Yung Santelma naman, nakita kong palutang-lutang sa ere at mukhang sumusuno
