PAGDATING SA kanto luminga-linga muna si Zach. Baka kasi may kakilala si Giezl o alin sa kapitbahay nito ang makakita sa kaniya. Maya-maya ay binusinahan na siya ng kaibigan. Si Zion.
"Ano ba?" Pigil dito sa pagbusina. Mas lalong makakatawag sila ng pansin. Baka malaman ni Giezl na sumakay siya sa isang magarang sasakyan.
Tawa lang ang sinagot ni Zion. "Dude, para kang timang diyan. Pasok na.." anito sa nakababang bintana.
"Naninigurado lang.." aniya rito saka pumasok sa passenger seat nito. Napansin nito ang bitbit niya.
"May pabaon? Ano iyan.." anito sabay tingin dito.
"Kakanin. Pinabibigay kina mama at papa." Saad dito.
Tumawang muli ito. "Naku! Naku! Naku! Alam na...teka lang mukhang..." anito sabay singhot sa harap ng mukha niya.
"Dude, magtigil ka nga. Mamaya halikan ka di
