HINDI alam ni Zhamara kung ano ang sasabihin niya kay Ryan. Seryoso itong nakatitig sa kanya pero hindi siya komportable sa mga titig nito. Napaigtad siya sa gulat nang bigla itong tumawa.
"You look very serious, Mara. I'm serious about wanting to become your friend, but that's it, okay?" natatawa nitong sabi.
"Hehehe—."
"Alam ko namang may nobyo ka. Hindi ako nanininira ng relasyon ng iba, okay?" natatawa pa rin nitong sabi.
Awkward siyang ngumiti at saka umiwas ng tingin. Mukhang totoong nagbago na nga ito. Mukhang hindi na ito ang dating Ryan na nakilala niya noon. Napakahabang panahon na rin naman kasi ang lumipas. Nag-aral ito sa ibang bansa kaya siguradong madami itong natutunan na mga bagay-bagay.
"Bakit ka nga pala nagpapadala palagi ng bulaklak?" tanong niya rito.
Muli
