NAPATINGIN si Marcus sa wristwatch niya nang mapansing nagsimula ng dumilim ang paligid. Kakailis lang ni Mikaela at gusto sana itong magpahatid sa kanya pero tinanggihan niya ito. Hindi niya gusto ang ginawa nitong pagiging clingy bigla sa kanya. Pero dahil ilang oras niyang kausap ang ina niya sa cellphone nito ay kaya matagal itong nakauwi.
Naiwan kasi niya ang cellphone niya sa resort kung saan siya nananatili. At ang ina naman niya ay biglang naging madaldal. Kasalukuyan pa itong nasa Japan hanggang ngayon at madami itong mga sinabi tungkol sa mga lugar na napuntahan nito at pagkain na natikman.
Nag-usap sila ng ilang minuto ni Mikaela pero humanap siya ng paraan na makaalis na ito. Gusto sana niyang nasa tabi lamang niya si Zhamara dahil ayaw niyang maiwan ng mag-isa kay Mikaela,
