PADABOG na isinara ni Nikko ang pinto ng kotse nang makapasok si Zhamara. Kinakabahan niyang sinundan ito ng tingin hanggang sa makaupo ito sa driver's seat. Kunot-noo niya itong pinagmasdan. Ngayon lang niya ito nakitang galit na galit sa loob ng dalawang taon nitong panliligaw sa kanya. Galit ba ito dahil kay Marcus?
Pinaandar nito ang kotse at ilang sandali lang ay tinahak na nila ang daan papunta sa palengke. Tahimik lamang siyang nakaupo habang pinagmamasdan ang mga nadadaanan nila. Ilang minuto ang lumipas ay agad nilang narating ang palengke.
Bababa na sana siya ng kotse pero hindi niya ito mabuksan. Kunot-noo siyang tumingin kay Nikko pero wala itong emosyong nakatitig sa harap nila habang nakahawak ng mahigpit sa manibela ng kotse. Tila nagpipigil itong ilabas ang galit na kani
