Tadhana na ang nagtakda ng oras upang makapag-usap ang dalawang pusong nangangarap ng tunay na pag-ibig. Tila sinagot na ng langit ang matagal ng panalangin ng binata na makasama ang dalaga ng sarilinan.
Walang kibo ang mga ito, nakaupo lang silang dalawa habang pinagmamasdan ang dagat sa kanilang harapan.
Saglit na inayos ni Fin ang kanyang balabal ng biglang dumampi sa balat nito ang malamig na hangin.
Napahawak ito sa kanyang dibdib. Hindi lang ata dahil sa lamig ang panginginig na nararamdaman ng kanyang katawan. Napapikit na lamang si Fin at pinakiramdaman ang mabilis na t***k ng kanyang puso.
"Fin..."
"Rave..."
Biglang namula ang mga mukha nito nang sabay silang magsalita.
"Kasi..." ani ni Rave.
Napangiti naman silang dalawa ng mapansing sabay ulit silang napabuntong hininga.
