Napabuntong hininga na lamang si Fin habang dinadama nito ang puting buhangin sa kanyang mga paa. Sinubukan nitong iwasli sa kanyang isipan ang nabasang mensahe mula sa cellphone ni Rave. Nangangamba man sa nabasang babala ay gusto nitong manatiling kalmado upang mapagisipan nito ang tamang gagawin.
Kusang napatitig ang mga mata nito sa kinaroroonan ni Rave. Paano niya nga ba sasabihin ang balita kung ngiti at galak ang nakikita niyang nagniningning sa mga mata ng binata. Kung pwede lamang ay ayaw niyang makitang mapalitan ng madilim na expression ang mukha ni Rave ngayong tuwang tuwa ito sa kalayaang natatamo.
Napahawak siya sa kanang dibdib habang nag-iisip kung paano at saan nito sasabihin ang lahat kay Rave.
Ayaw nitong makaramdam ng pangamba ang mga nagtratrabaho sa villa lalong la
