Napahawak si Fin sa magkabilang pisngi ng maramdaman niyang biglang uminit ang mga ito. Nahihiya siya sa kanyang inasal dahil hindi niya naintindihan ang totoong intensyon ni Rave.
Napakagat labi na lamang siya ng sabihin ng binata na plano nitong magkaroon ng isang outing bilang regalo nilang dalawa sa mga taong nagtratrabaho sa kanilang villa.
Pagkatapos ng mahigit isang oras na biyahe ay narating din nila ang beach resort na sinasabi ni Nanay Celestina. Mula sa puting gate nito ay matatanaw na ang kulay asul na karagatan. Maaliwalas ang lugar, kumpleto ang amenities at ramdam ang privacy dahil magkakalayo ang mga room at cottages sa gawing kanan. Tuwa at excitement naman ang nararamdaman ng lahat ng lumabas ang mga ito sa van.
Saglit na napasilip si Fin sa bag na dala bago ito tuluya
