HINDI MAINTINDIHAN ni Aria kung ano ang mayroon sa kanyang ipinipinta. Pakiramdam niya ay may koneksyon sila ni Sandra---- ang babaeng kanyang ipinipinta ngayon. Nasimulan nang ipinta yun ni Tito Rafael pero hindi nito matapos-tapos kung kaya nakiusap ito sa kanya na tapusin niya.
Alam niyang importante ang portrait na kanyang ginagawa kung kaya pinaghuhusayan niya ang kanyang ginagawa kahit wala siyang masyadong pinag-aralan sa pagpipinta. Hindi niya nga alam kung bakit marunong siyang magpinta hanggang sa nakabili siya ng mga kailangan niya sa pagpipinta at doon ay nagsimula siyang palawakin ang kanyang kakayahan. Kapag wala naman siyang ginagawa o di kaya ay may pinapagawa ang kanyang mga kaklase ay sideline niya iyon upang magkaroon siya ng allowance. Madalas kasi ay hindi siya binib
