PAG-ALIS ni Aria ay binalingan niya ang anak ni Senator na si Dave. Nagsukatan sila ng tingin.
"What's your problem?" sigaw ni Dave sa kanya na malakas ang boses. "Pag-aari mo ba si Aria at ayaw mo siyang lapitan ng iba?"
Napangiti siya sa sinabi ni Dave.
"She's mine. Malinaw yan para maintindihan mo," sagot niya.
"Akala ko mga babae lang ang assuming---may lalaki rin pala. Ang pagkakaalam ko kasi ay single si Aria at pwedeng lapitan ng kahit sino at lalong malayang ligawan ng sino mang lalaki," wika pa ni Dave sa kanya kung kaya lalo niyang ikinagalit. Napakuyom siya sa kanyang kamao. Kung wala lang sila sa party ay baka kanina niya pa ito inundayan ng suntok. Nakakalalaki na kasi ito.
"Baka umurong ang dila mo kapag nalaman mo kung sino ako. Kaya kung ako sayo, ngayon pa lang ay k
