KULANG na lang ay gumapang si Camillo sa kalasingan nang umuwi ito kasama ni Agapito at ng isa pang bodyguard ng lalaki. Iyon ang unang beses na umuwi si Camillo na lango sa alak. Mabilis niyang tinulungan si Agapito na pahigain sa kama si Camillo.
"Anong nangyari?" tanong niya kay Agapito.
"Nagpakalasing... Ewan ko ba, mukhang may problema."
"Problema?" kunong ang noo na tanong niya kay Agapito.
"Hindi ko alam," kaaga nitong sagot sa kanya kung kaya bahagya siyang nagtaka. "Ang mabuti pa maiwan ko na kayo. Late na rin kasi at kanina pa tumatawag si Richel," paalam sa kanya ng lalaki.
"Sige---salamat."
Nagpasalamat din siya sa isa pang kasama ni Agapito. Napatitig siya kay Camillo. Tulog na tulog na ito. Ngayon niya lang ito nakita na magulo ang suot na polo dahil sa sobrang kalasing
