TWENTY MILLION not bad. Malaking pera na rin yun. Dapat nga higit pa roon ang kanyang hihingiing kapalit para sa lahat ng hirap niya sa pagpapakaina kuno sa kay Aria. Kung hindi lang siya pinaasa noon ni Arnold ay wala siyang balak na akuin ang anak ni Rafael Saavedra. Pwede niya naman sanang isauli si Aria sa tunay nitong ama pero hindi pwede dahil pwede siyang madamay. Kung mamalasin pa ay baka makulong pa siya. Mabuti na lamang at naghintay siya sa tamang panahon.
Naaala niya tuloy ang nakaraan.
"Hindi kaya magkaproblema tayo sa gusto mo?" tanong niya kay Arnold lalo na at napakayaman ni Rafael Saavedra. Ang gusto nito ay kidnapin niya ang anak ng lalaki.
"Hindi niya naman malalaman dahil hiwalay na sila ni Sandra hindi ba? Ipinagpalit niya ang kanyang mag-ina dahil sa asawa ko,"
